راولپنڈی(جنرل رپورٹر)108 معذور افراد کو وہیل چیئرز، سماعت کے آلات، سفید چھڑی، بریل بورڈ اور الیکٹرک وہیل چیئرز فراہم کی جائیں گی،ایڈیشنل ڈپٹی کمشنر ہیڈ کوارٹر راولپنڈی کی زیر صدارت وزیر اعلی پنجاب کے اسسٹیو ڈیوائسز فلیگ شپ پروگرام کے حوالے سے ڈسٹرکٹ ویلفیئر اینڈ ری ہیبلیٹیشن یونٹ راولپنڈی کا اجلاس منعقد ہوا جس میں وہیل چیئرز، ہیئرنگ ایڈز، وائٹ کین اور  معذور افراد کو وہیل چیئرز کی فراہمی کے بارے میں بریفنگ دی گئی۔ اجلاس میں رخسانہ مظہر اعوان ڈپٹی ڈائریکٹر سوشل ویلفیئر، سیکرٹری ڈی ڈبلیو آر یو راولپنڈی، ڈسٹرکٹ زکو آفیسر، ٹیوٹا، سپورٹس، ایجوکیشن، سپیشل ایجوکیشن، لیبر اینڈ ہیلتھ ڈیپارٹمنٹ اور این جی اوز کے نمائندوں نے شرکت کی، ایڈیشنل ڈپٹی کمشنر ہیڈ کوارٹرز نے کہا کہ یہ اقدام معذور افراد کی زندگیوں کو آسان بنانے کے لیے ایک مثبت پیش رفت ہے جس سے انہیں خود مختار بننے میں مدد ملے گی۔