راولپنڈی(اپنے سٹاف رپورٹر سے)سی پی او سید خالد ہمدانی نے پولیس ویلفیئر فلنگ سٹیشن فوارہ چوک کا افتتاح کردیا، سی پی او سید خالد ہمدانی نے پولیس ویلفیئر کمپلیکس کا سنگ بنیاد بھی رکھا،ایس ایس پی آپریشنز، ایس پیز، سینئر پولیس افسران، انجمن تاجران و شیل پاکستان کے عہدیداران بھی موجود تھے،اس موقع پر سی پی او سید خالدہمدانی کا کہنا تھاکہ آئی جی پنجاب کے ویژن کے مطابق فورس کی ویلفیئر کے لیے تمام اقدامات اٹھائے جارہے ہیں، اس موقعہ پر صدر انجمن تاجران شاہد غفور پراچہ کا کہنا تھاکہ راجہ بازار کے علاقہ میں کوئی پٹرول پمپ نہیں تھا، اس منصوبے سے نا صرف فورس بلکہ شہریوں کی بھی ویلفیئر ہو گی،سہیل الطاف راولپنڈی چیمبر آف کامرس نے کہا کہ مجھے خوشی ہے کہ یہ پراجیکٹ پولیس افسران اور شہدا کی فیملیز کی ویلفیئر کے لیے ہے، اس موقعہ پر عہدیداران شیل پاکستان نے کہا کہ سی پی او راولپنڈی اور تمام فورس مبارکباد کی مستحق ہے آپکی کوششوں اور محنت سے یہ منصوبہ پایہ تکمیل تک پہنچا،شیل پاکستان کی جانب سے سی پی او راولپنڈی کو اعزازی شیلڈ پیش کی گئی ۔