راولپنڈی (اپنے سٹاف رپورٹر سے) چمپئینز ٹرافی 2025 ء کے حوالے سے راولپنڈی کرکٹ سٹیڈیم میں دوسرا میچ، آسٹریلیا اور ساؤتھ افریقہ کی ٹیموں کے درمیان شیڈول تھا جس کیلئے راولپنڈی پولیس کے 5000 سے زائد افسران سیکورٹی ڈیوٹی پر مامور رہے واضح رہے میچون کیلئے ٹریفک پولیس کے 350 سے زائد افسران فرائض سرانجام دے رہے ہیں ایس ایس پی آپریشنز، چیف ٹریفک آفیسر فیلڈ میں موجود رہ کر انتظامات کی نگرانی کر تے رہے راولپنڈی چیمپئینز ٹرافی کی میزبانی کر رہا ہے سی پی او نے کہا کہ شہریوں کی سہولت کے لئے مری روڈ کو مکمل طور پر بند نہیں کیا گیا شائقین کو سٹیڈیم تک لانے کے لئے شٹل سروس فراہم کی گئی ہے سٹیڈیم میں 25 سے 30 ہزار کرکٹ شائقین کی آمد متوقع ہے سی پی او سید خالد محمود ہمدانی نے بتایا کہ انتظامات کی مانیٹرنگ کے لئے خصوصی کنٹرول روم قائم کیا گیا ہے سیف سٹی اور دیگر سی سی ٹی وی کیمروں سے سثیڈیم، گردونواح اور شہر بھر کی مانیٹرنگ کی جا رہی ہے روٹ اور سٹیڈیم کے اطراف چھتوں پر ماہر نشانہ باز تعینات کئے گئے ہیں سی پی او نے کہا کہ سٹیڈیم کے اطراف اور گردونواح میں پولیس ٹیمیں، ڈولفن فورس اور ایلیٹ فورس گشت کے فرائض سرانجام دے رہی ہیں میچ دیکھنے کے لئے آنے والے شائقین واک تھرو گیٹ اور مکمل باڈی سرچ کے بعد سٹیڈیم میں داخل ہو سکیں گے سی پی او نے کہا کہ پاور بینک، ہینڈ فری، ائیر پوڈز، کھانے پینے کی اشیاء سمیت کوئی ممنوعہ شے ساتھ لے جانے کی اجازت نہیں ہے شہریوں کو مختص کردہ مقامات کے علاؤہ گاڑیاں پارک کرنے کی اجازت نہیں ہے سی پی او نے کہا کہ پاک فوج، رینجرز اور دیگر سیکورٹی اداروں کے ربط سے فول پروف سیکورٹی انتظامات کئے گئے ہیں چمپئینز ٹرافی کی میچوں کی فول پروف سیکورٹی کو یقینی بنایا جائے گا۔