لاہور(اسپورٹس رپورٹر)ایشیا کپ 2022میں بھارت سے شکست کے بعد کپتان بابر اعظم پر تنقید کے حوالے سے ان کے والد اعظم صدیقی  نے ردعمل دیتے ہوئے انسٹاگرام پر لکھا کہ پاکستان اپنا اہم میچ بھارت کیخلاف اچھا مقابلہ کر کے ہار گیا، کوئی بات نہیں ان شا اللہ اگلے میچز جیتیں گے‘ جس طرح لوگ ٹی وی پر پاکستانی ٹیم اور خاص کر بابر اعظم کو شدید تنقید کا نشانہ بنا رہے ہیں(باقی صفحہ10پر)
 وہ قابل افسوس ہے،اعظم صدیقی نے ناقدین کیلئے سابق بھارتی کپتان ویرات کوہلی کی مثال پیش کرتے ہوئے لکھا کہ کوہلی نے 3سال سے زیادہ عرصے سے سنچری نہیں بنائی لیکن ان کی قوم نے ان کی وہی عزت اور احترام برقرار رکھا ہوا ہے،یا د رہے ہم مسلمان قوم ہیں اور ہمارے دین کی بنیاد اخلاق اور رحم دلی پر ہے اور جو فضول میں اپنی باتوں سے زہر پھینک رہے ہیں ان کیلئے مجھے اور میرے بیٹے کو اللہ اپنی رحمت سے یہاں تک لایا ہے۔پھربھی یہاں تک پہنچنے میں 15سال کی شدید محنت لگی، اللہ ہی عزت کا مالک ہے اسی نے عزت دی اور وہی اس کی حفاظت کریں گے۔انہوں نے پوسٹ میں پا کستان زندہ باد کا نعرہ بھی لگایا۔