راولپنڈی(اپنے سٹاف رپورٹر سے)راولپنڈی وومن چیمبر آف کامرس کی جانب سے جم خانہ راولپنڈی میں ایک تقریب کا انعقاد کیا گیاجس میں پارلیمانی سیکرٹری اطلاعات و ثقافت پنجاب شازیہ رضوان نے بطور مہمانِ خصوصی شرکت کی۔ تقریب میں رضوان افسر پولیٹیکل ایڈوائیزر، ملک نوید سابق سینئر نائب صدر اسلام آباد چیمبر آف کامرس، فہیم خان وائس پریزیڈنٹ اسلام آباد چیمبر آف کامرس، اسسٹنٹ کمشنر صائمہ نذیر، فلک انجم ایگزیکٹو ممبر، حنا منصب خان میر پرسن سارک، فرح حیدر ایگزیکٹو ممبر اور وومن چیمبر آف کامرس کے عہدیداران نے شرکت کی۔تقریب سے خطاب کرتے ہوئے شازیہ رضوان نے کہا کہ کسی بھی ملک کی ترقی کا دار و مدار تجارت پر ہوتا ہے اور تاجر برادری ملک کی معیشت میں ریڑھ کی ہڈی کی حیثیت رکھتی ہے وزیر اعلی پنجاب مریم نواز شریف کی کوششوں سے مہنگائی میں کمی آئی ہے۔ہماری حکومت تاجروں کو سہولیات دینے کیلئے کوشاں ہے۔ راولپنڈی وومن چیمبر آف کامرس کی جانب سے شازیہ رضوان کو اپنے مسائل کے بارے میں آگاہ گیا جس پر انہوں نے ان کے مسائل حل کرنے کی یقین دہانی کرائی۔   اس موقع پر چیمبر آف کامرس کی طرف سے مہمان خصوصی کیلئے برتکلف ظہرانے کا اہتمام کیا اور شازیہ رضوان کی سالگرہ کا کیک بھی کاٹا گیا۔ تقریب سے خطاب کرتے ہوئے شازیہ رضوان نے راولپنڈی وومن چیمبر آف کامرس کے عہدیداران کا شکریہ ادا کیا اور نیک خواہشات کا اظہار کیا.