اسلام آباد (نمائندہ خصوصی) ترجمان بلاول ہاوَس سریندر ولاسائی نے ایم کیو ایم راہنماء خالد مقبول صدیقی کے بیان کے جواب میں کہا کہ چیئرمین بلاول بھٹو زرداری کی بڑھتی مقبولیت کو دیکھ کر  ڈاکٹر خالد مقبول  جیسے کاغذی سیاستدان ذہنی توازن کھو بیٹھے، خالد مقبول اینڈ کمپنی کی آج کی پریس کانفرنس مایوس سیاسی یتیموں کی محفل غم تھی،چیئرمین بلاول بھٹو زرداری کی تاجروں کو بھتہ خوروں سے تحفظ کی ضمانت نے ایم کیو ایم کی نیندیں اڑا دیں، خالد مقبول اینڈ کمپنی  ٹی وی اسکرین پر نمودار ہوں تو عوام کو بوری بند لاشوں کا دور یاد آجاتا ہے،ایم کیو ایم نے کراچی کو سانحہ 12 مئی، سانحہ بلدیہ ٹاوَن، چائنا کٹنگ اور ٹارگٹ کلنگ کے سوا کیا دیا،کراچی کی عوام نے ایم کیو ایم کی نفرت، تقسیم اور دہشتگردی کی سیاست کو ہمیشہ کے لیے دفن کردیا، بلاول بھٹو زرداری کے ویژن نے کراچی میں امن بحال کیا اور ترقی کے راستے کھول  دیئے،   تاجروں سمیت کراچی کی عوام چیئرمین بلاول بھٹو زرادری کے ساتھ کھڑے ہیں،چیئرمین بلاول بھٹو زرداری آج کراچی سمیت ملک بھر کی سیاست کا محور و مرکز ہیں۔