دوسرا بوسٹر شاٹ 50 سال سے زائد عمر کے افراد کو لگایا جاسکے گا

امریکی ادارے فوڈ اینڈ ڈرگ ایڈمنسٹریشن(ایف ڈی اے)نے کورونا ویکسین کے دوسرے بوسٹر شاٹ کی منظوری دے دی ۔ایف ڈی اے کی جانب سے جاری ایک بیان میں کہا گیا کہ فائزر اور موڈرنا ویکسین کی چوتھی اور تیسری ڈوز کے 4 ماہ بعد بوسٹر شاٹ لگایا جاسکے گا، کورونا ویکسین کا دوسرا بوسٹر شاٹ 50 سال سے زائد عمر کے افراد کو لگایا جاسکے گا۔امریکی ادارے نے کہا کہ کمزور قوت مدافعت والے 12سال سے زائد عمر کے بچوں کو فائزر کا دوسرا بوسٹر شاٹ دیا جاسکے گا،  ۔وائٹ ہا ئوس کی کمیونیکیشن ڈائریکٹر کیٹ بیڈنگ فیلڈ نے پریس بریفنگ میں کہا ہے کہ کورونا بوسٹر ڈوز کی دوسری خوراک کی منظوری اچھا فیصلہ ہے، دوسرے بوسٹر شاٹ کا مقصد شدید بیماری اور ہسپتال میں داخل ہونے کے خلاف مزید تحفظ دینا ہے۔کیٹ بیڈنگ فیلڈ نے کہا کہ امریکی صدر جو بائیڈن معالج کے مشورے کے بعد دوسرا بوسٹر شاٹ لگوانے کا فیصلہ کریں گے۔