اسلام آباد(آئی این پی ) سینیٹ کی قائمہ کمیٹی برائے کابینہ سیکرٹریٹ نے ملتان اور ڈیرہ غازی خان میں غیر قانونی ایل پی جی بائوزر میں دھماکوں کے واقعات پر  سخت نوٹس لیتے ہوئے چئیرمین اوگرا کو ذاتی حیثیت میں طلب کر لیا۔کیبنٹ سیکرٹریٹ کمیٹی نے اوگرا سمیت تمام متعلقہ اداروں سے جواب بھی طلب کر لیا۔نوٹس میں کہا ہے کہ غیر قانونی ایل پی جی بازر میں دھماکوں سے ملتان میں قیمتی جانوں کا ضیا ہوا، دھماکوں کے باعث 6 ہلاکتیں اور 39 افراد زخمی ہوئے، بازر پھٹنے سے گھروں سمیت متعدد گاڑیوں کو نقصان بھی پہنچا۔ اوگرا کی جانب سے غیر قانونی بازر کی روک تھام سے متعلق اقدامات کی تفصیلات بھی طلب کی گئی ہیں۔واضح رہے کہ تین روز کے دوران مختلف شہروں میں ایل پی جی بازر پھٹنے سے دھماکے ہوئے تھے۔ بازر پھٹنے کا پہلا واقع ملتان جبکہ دوسرا ڈیرہ غازی خان میں ہوا تھا۔ملتان دھماکے متاثر ہ افراد میں سے مزید 4دم توڑ گئے تعداد 10ہوگئی۔26زیرعلاج اور 13کی حالت نازک بتائی جاتی ہے۔