سعودی دارالحکومت ریاض کے سفارت خانہ پاکستان میں یوم پاکستان کے حوالے سے تقریب کا انعقاد کیا گیا جس میں سفارتی افسران سمیت تینوں مسلح افواج کے افسران بھی شریک تھے اس وقعہ پر سفیر پاکستان نے پرچم کشائی کی اور اپنے خطاب میں کہا کہ پاکستان انتہائی جدوجہد کے نتیجے میں وجود میں آیا اس کو ترقی یافتہ ممالک کی صف میں کھڑا کرنے کے لیے پوری قوم کو قائداعظم کے فرمان کے مطابق ایمان،اتحاد اور نظم کے مطابق آگے بڑھنا ہوگا پاکستان دنیا کا ایک اہم ملک ہے جس کی عوام با صلاحیت اور انتہائی محنتی ہیں جو پوری دنیا میں اپنی صلاحیتوں کو منوا رہے ہیں اور ہم آج کے دن اپنے کشمیری بھائیوں کو بھی یاد کرتے ہیں اور وہ دن دور نہیں جب مقبوضہ کشمیر بھی آزاد ہوگا سفیر پاکستان احمد فاروق نے پاک سعودی تعلقات کے حوالے سے کہا کہ ہر گزرتے وقت کے ساتھ پاک سعودی تعلقات مضبوط اور مستحکم ہو رہے ہیں۔
 اسی طرح گزشتہ روز مکہ مکرمہ میں وزیر برائے مذہبی امور و بین المذاہب ہم آہنگی سردار محمد یوسف کی سعودی وزیر حج ڈاکٹر توفیق الربیعہ سے ملاقات  ہوئی۔
سعودی وزیر نے گرم جوشی سے وفاقی وزیر سردار محمد یوسف کا استقبال کیا۔
ملاقات میں سعودی نائب وزیر حج ، پاکستانی سفیر احمد فاروق ، ڈی جی حج  عبدالوہاب سومرو
قونصل جنرل خالد مجید اور  اسداللہ فیض  بھی وفاقی وزیر سردارمحمد یوسف کے ہمراہ تھے۔
وفاقی وزیر سردار یوسف اور سعودی وزیر حج ڈاکٹر توفیق الربیعہ کی ملاقات وزیراعظم شہباز شریف کے حالیہ دورہ کے فورا بعد ہوئی۔ 
حجاج کرام کی خدمت اور بہترین سہولیات فراہم کرنے پر سردارمحمد یوسف کا فرمانروا شاہ سلمان بن عبدالعزیز اور ولی عہد امیر محمد بن سلمان کو خراج تحسینسردار محمد یوسف نے اس موقع پر کہا کہ
  موجودہ سعودی حکومت نے حرمین شریفین کی تاریخی توسیعی کی۔ جس کی مثال نہیں ملتی۔ 
 قائدمیاں نواز شریف اور وزیراعظم میاں شہباز شریف کی قیادت میں پاکستانی حکومت عوام کو بہتر سے بہتر سہولیات فراہم کرنے کے لیے سرگرم عمل ہے مزید انکا کہنا تھا کہ 
پاکستان اور سعودی عرب یہ جان دو قالب ہیں، پاکستانی حجاج کرام کے مسائل کے حل اور بہترین سہولیات کے لئیے سرگرداں
سعودی وزیر  ڈاکٹر توفیق الربیعہ نے کہا کہ محمد  یوسف کی کاوشیں لائق تحسین ہیں۔
وفاقی وزیر سردار یوسف نے سعودی وزیر کیساتھ حجاج کرام کی رجسٹریشن ایشوز  پر بھی بات چیت کی۔
وفاقی وزیر سردارمحمد یوسف کی جانب سیحجاج کرام کو درپیش مسائل سامنے رکھنے پر  پر سعودی وزیر حج نے ترجیحی بنیادوں پر مسائل کو اعلی سطح پر پیش کرنے کی یقین دہانی کروائی۔سعودی وزیر مذہبی امور ڈاکٹر توفیق الربیعہ نے کہا کہ حجاج کرام کو سہولیات دینے کے لئیے ہر ممکن تعاون کریں گے، حجاج کرام  اور معتمرین کو سہولیات فراہم کرنا سعودی حکومت کی ترجیحات میں شامل ہے، 
پاکستان ہماری ترجیحات میں  
ہمیشہ سر فہرست رہا ہے۔