اسلام آباد(اپنے سٹاف رپورٹر سے)پولیس نے مو ٹر سائیکل چوری کی وارداتوں میں ملوث ملزمان دھر لئے اس سلسلے میں تھانہ کھنہ اور تھانہ ہمک پولیس ٹیموں نے موٹر سائیکل چوری کی متعدد وارداتو ں میں ملوث دو گروہوں کے پانچ ارکان کو گرفتار کرکے ان کے قبضے سے لاکھوں روپے مالیت کے بارہ عدد مسروقہ مو ٹر سائیکل اور ایک عدد لیپ ٹاپ برآمد کر لیا، گرفتار ملزمان کی شناخت رشید طاہر ، نزارک ، سجاد ، عظیم اور محسن کے ناموں سے ہو ئی ہے، ملزمان کے خلاف مقدمات درج ہیں، ابتدائی تفتیش کے دوران گرفتار ملزمان نے متعدد وارداتیں کر نے کا انکشاف کیا ہے، ملزمان سے مزید تفتیش جاری ہے۔