لندن (نیٹ نیوز) لندن میں شریف فیملی کے ارکان کو نامعلوم افراد کی طرف سے پرتشدد حملے کا خطرہ ظاہر کیا گیا ہے۔ قابل اعتماد ذرائع نے دعویٰ کیا ہے کہ میٹ پولیس نے شریف فیملی کے ارکان کو خطرے کے حوالے سے خبر دار کر دیا ہے۔ ذرائع کے مطابق ویسٹ مڈلینڈز پولیس نے لندن کی میٹروپولیٹن پولیس کو ممکنہ حملے کے خطرے سے آگاہ کیا۔ ویسٹ مڈلینڈز پولیس کو حملے سے متعلق اطلاع انٹیلی جنس مانیٹرنگ سسٹم سے ملی۔ ذرائع کے مطابق سکاٹ لینڈ یارڈ کے افسروں نے ایون فیلڈ فلیٹ میں جا کر شریف فیملی کے ارکان کو خطرے سے آگاہ کر دیا ہے۔ ذرائع کا کہنا ہے کہ پولیس نے شریف فیملی کے ارکان سے کہا ہے کہ وہ چوکنا رہیں اور آنے جانے میں احتیاط برتیں۔