پنجاب فوڈ اتھارٹی نے عوامی شکایات پر 100فی صد ایکشن لے کر ذمہ داری کا نیا ریکارڈ بنا دیا۔ گزشتہ ایک سال میں 10ہزار220 موصول ہونے والی تمام شکایات پر فوری رسپانس دیا گیا۔9ہزار536شکایات کا مکمل ازالہ کیا جا چکا جبکہ 684  پر کام جاری ہے۔تفصیلات کے مطابق پنجاب فوڈ اتھارٹی ٍنے عوامی شکایات پر100فی صد ایکشن لے کر ذمہ داری کا نیا ریکارڈ بنا دیا۔ انتہائی ذمہ داری کا ثبوت دیتے ہوئے پنجاب فوڈ اتھارٹی نے گزشتہ ایک سال میں موصول ہونے والی10ہزار220 شکایات پر فوری رسپانس دیا ۔ڈی جی فوڈ اتھارٹی نے بتایا کہ 9ہزار536شکایات کا مکمل ازالہ جبکہ 684  پر کام جاری ہے۔پنجاب فوڈ اتھارٹی کے پورٹل سے 8167جبکہ وزیراعظم شکایات پورٹل سے 2053شکایات موصول ہوئیں۔وزیر اعظم پورٹل کے ساتھ ساتھ پنجاب فو اتھارٹی میں شکایات درج کروانے کے 5مختلف طریقے ہیں۔ویب سائٹ، موبائل ایپلی کیشن، ہیلپ لائن، فیس بک اور ٹوئٹر پرڈائریکٹ شکایات درج کروائی جا سکتی ہیں۔پنجاب فوڈ اتھارٹی اوروزیر اعظم شکایات پورٹل پر شکایات درج کروانے کا طریقہ کار بھی نمایاں جگہ پر آویزاں کیا جا چکا ہے۔کیپٹن(ر)محمد عثمان نے واضح کیا کہ اوپن ڈور پالیسی کے تحت روزانہ کے علاوہ ہفتہ کے روز صبح 11سے سہ پہر 3 بجے تک براہ راست بھی شکایات سنتا ہوں۔تمام شکایات کو ترجیحی بنیادوں پر حل کیا جاتا ہے اورروزانہ کی بنیاد پر خود رپورٹ لیتا ہوں۔ڈی جی فوڈ اتھارٹی کا مزید کہنا تھا کہ شکایات کے تیز ازالے کے لیے سپیشل رسپانس ٹیمیں تشکیل دینے پر بھی غور کر رہے ہیں۔