لاہور(خبرنگار)لاہور کی انسداد دہشت گردی کی خصوصی عدالت نے بھتہ خوری کے الزام میں درج مقدمے میں لاہور کی سیاسی شخصیت منشا بم اور اسکے بیٹوں کیخلاف کیس کی سماعت 7 اپریل تک ملتوی کردی۔ انسداد دہشت گردی عدالت کے جج ارشد جاوید نے کیس سماعت کی۔ سماعت پر منشا بم، ان کے بیٹے عامر منشا اور فیصل منشا حاضری کیلئے عدالت میں پیش ہوئے۔ پراسیکیوشن نے شریک ملزمان کیخلاف سپلیمنٹری چالان پیش کیا۔عدالت نے آئندہ سماعت پر ملزمان کی درخواست پر دلائل طلب کر لئے۔ عدالت نے منشا بم اور اسکے بیٹوں کیخلاف بھتہ خوری کیسز کی سماعت 7 اپریل تک ملتوی کردی۔