اسلام آباد(نمائندہ نوائے وقت)جوڈیشل مجسٹریٹ عباس شاہ کی عدالت نے سینٹ ملازم کے مبینہ قتل اور اغوا پر درج مقدمہ میں گرفتار وفاقی پولیس کے سابق ایس پی کے بہنوئی اور بھانجے کو جوڈیشل کردیا۔گذشتہ روز سماعت کے دوران پولیس کی جانب سے سابق ایس پی عارف شاہ کے بہنوئی اور بھانجے کو4 روزہ جسمانی ریمانڈ کے بعد عدالت میں پیش کیا گیا اور ملزمان کے مزید3 روزہ جسمانی ریمانڈ کی استدعاکی گئی، عدالت نے مزید جسمانی ریمانڈ کی استدعا مسترد کرتے ہوئے ملزمان کو جوڈیشل ریمانڈ پر جیل بیجھنے کا حکم دے دیا۔ملزمان صابر حسین اور ثقلین علی ودیگر کیخلاف تھانہ آبپارہ میں مقدمہ درج ہے۔