پشاور(آئی این پی )سال 2025 کا پہلا منکی پاکس کیس پشاورائیرپورٹ سے رپورٹ ہو ا ہے ،دبئی سے آنے والے 35سالہ شخص میں منکی پاکس کی تصدیق ہوئی ہے۔ مشیر صحت خیبر پی کے احتشام علی نے کہاکہ پبلک ہیلتھ ٹیم نے مریض کو پولیس سروسز ہسپتال منتقل کردیا ہے، پولیس ہسپتال سے مریض کے نمونے پبلک ہیلتھ ریفرنس لیب بھیجے گئے، لیب نے دبئی سے آنے والے 35 سالہ شخص میں ایم پاکس کی تصدیق کردی ہے۔احتشام علی نے کہا کہ پشاورائیرپورٹ مینجر کو خط لکھ دیا ہیکہ مسافروں کی تفصیلات فراہم کی جائیں، معلومات ملتیہی متعلقہ ڈی ایچ اوزکو کنٹیکٹ ٹریسنگ کیلئے مطلع کیا جائیگا۔انہوں نے کہا کہ صوبے میں اب تک ایم پاکس کے 10 کیسز رپورٹ ہوچکے ہیں،دوہزار تیرائیس میں دو، 2024 میں 7 جبکہ 2025 میں پہلا کیس رپورٹ ہوا ہے،عوام سے التماس سے سماجی فاصلوں کو یقینی بناتے ہوئے محتاط رہیں۔