گزشتہ دنوں پاکستان ٹی وی انڈسٹری کے معروف اور مقبول  اداکار فیروز خان اور اُن کی دوسری اہلیہ ڈاکٹر زینب کے درمیان علیحدگی سے متعلق خبریں اور سوشل میڈیا پر پوسٹس زیرِ گردش رہیں۔ جس کی  اداکار فیروز خان نے خود  اور ان کی بہن اداکارہ حمیمہ ملک نے ان افواہوں اور چہ مگوئیوں کی تردید بھی کی تھی۔ جس کے بعد اداکار فیروز خان نے کچھ گھنٹے قبل اپنی دوسری اہلیہ کے ساتھ رومانٹک تصاویر سوشل میڈیا کے پلیٹ فارم انسٹا گرام پر شیئر کردیں۔ان تصاویر میں اس خوبصورت نوجوان جوڑے کو ایک ساتھ خوش گوار موڈ اور ایک دوسرے کی محبت میں ڈوبا ہوا دیکھا جا سکتا ہے۔تصاویر دیکھ کر اندازہ لگایا جا سکتا ہے کہ فیروز خان اور اُن کی اہلیہ ایک دوسرے کے ساتھ مثبت اور مضبوط رشتے سے جڑے ہیں۔فیروز خان کی ان تصاویر پر تاحال لاکھوں لائیکس اور سیکڑوں تبصرے کیے جا چکے ہیں۔فیروز خان کے مداح اس پوسٹ کے کمنٹ باکس میں اس نو بیاہتا جوڑی کے لیے دعائیں جبکہ اداکار کے ناقدین ان پر تنقید کر رہے ہیں۔اداکار فیروز خان  جیو انٹرٹینمنٹ کے بلاک بسٹر ڈرامہ سیریل ’خانی‘ اور ’خدا اور محبت‘ کے اہم کردار ادا کر چکے ہیں۔