حضرو (نمائندہ نوائے وقت)خوشحال خان خٹک ایکسپریس کی بحالی ضلع اٹک کے عوام کے لئے خوش آئند اور باعث سہولت ہے اور خوشحال خان خٹک ایکسپریس سروس کی بحالی پر ہم وفاقی وزیر ریلوے حنیف عباسی  کے انتہائی ممنون و مشکور ہیں نیز اٹک ریلوے اسٹیشن کے مسائل کے حل کے لئے وفاقی وزیر ریلوے حنیف عباسی 18 مئی کو اٹک کا دورہ بھی کریں گے ان خیالات کا اظہار سابق صوبائی وزیر جہانگیر خانزادہ اور سابق امیدوار صوبائی اسمبلی مسلم لیک ن سردار حمید اکبر خان نے وفاقی وزیر ریلوے حنیف عباسی سے ملاقات کرتے ہوئے کیا مسلم لیگ ن کے راہنماں نے خوشحال خان خٹک ایکسپریس کی بحالی پر اٹک کے عوام کی جانب سے وفاقی وزیر ریلوے حنیف عباسی کا شکریہ ادا کیا اور کہا کہ خوشحال خان خٹک ایکسپریس کی بند سروس کو دوبارہ بحال کرنے پر ہم اٹک کے عوام کی جانب سے وفاقی وزیر ریلوے کا شکریہ ادا کرتے ہیں کیونکہ اس سروس کی بحالی سے اٹک کے عوام کے لئے بذریعہ ریل سفر انتہائی آسان اور سہولت کا باعث ہے ۔