لاہور(نامہ نگار)شہر کے مختلف علاقوں میں میں ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا ۔ڈاکوؤں نے فیکٹری ایریا میں ثاقب کے گھر گھس کراہلخانہ کو گن پوائنٹ پر یرغمال بنا کر سے5لاکھ 40 ہزار‘ زیورات، موبائل فون اور دیگر سامان،شفیق آباد میں رحیم کی فیملی سے3لاکھ 47ہزار‘زیورات اورموبائل فون،مانگا منڈی میں جبار سے ڈھائی لاکھ ‘ موبائل فون، فیصل ٹاؤن میں سلیم سے 2 لاکھ 20ہزار‘ موبائل فون، بادامی باغ میں نسیم علی سے ایک لاکھ 10 ہزار‘موبائل فون،غالب مارکیٹ میں جنیدسے 88 ہزار‘موبائل فون، مصطفی ٹاؤن میں  تنویر سے 52 ہزار‘موبائل فون، گرین ٹاؤن میں بابر سے 38ہزار ‘ موبائل فون،چوہنگ میں فرید سے 17ہزار ‘ موبائل فون لوٹ لیا اورفرار ہوگئے ہیں۔چوروں نے مانگا منڈی، ڈیفنس، راوی روڈ اور گجر پورہ سے 4 کاریں جبکہ لٹن روڈ، شیراکوٹ، نولکھا، اسلام پورہ، نصیر آباد، سندر، گلشن راوی اور فیکٹری ایریا کے علاقوں سے 8 موٹرسائیکل چوری کرلئے۔