گوجرانوالہ(نمائندہ خصوصی)ایف آئی اے نے چھاپہ مار کارروائی کے دوران شہریوں کوجلد پاسپورٹ دلوانے کاجھانسے دیکر رقم بٹورنے میں ملوث 14 ایجنٹوں کو گرفتار کر لیا،بنک چالان،ٹوکن کی فوٹو کاپیاں،رسیدیں،سرٹیفکیٹ برآمد،سہولتکاروں کی گرفتاریوں کیلئے کارر وائیاں شروع کر دیں،تفصیلات کے مطابق ایف آئی اے گوجرانوالہ زون نے پاسپورٹ آفس کے باہر چھاپہ مار کاروائی کی اس دوران ایف آئی اے کی ٹیم نے 14ایجنٹوں محسن شہزاد،سجاد علی،محمد علی،محمد افضال،اسامہ اختر،مہر علی حسن،محمد عمران صدیقی،فیصل مشتاق، بابر اکرم،محمد اقبال،محمد طارق،عبداللہ سعید،محمد اسد بھٹی اور محمد یونس کوگرفتار کرکے انکے قبضہ سے بینک چالان، ٹوکن کی فوٹو کاپیاں، ایم آر پی رسیدیں اور نادرا فیملی ٹری سرٹیفکیٹس بر آمد کر لئے ،ترجمان ایف آئی اے کا کہنا ہے کہ گرفتار ایجنٹ شہریوں سے جلد پاسپورٹ دلوانے کا جھانسہ دیکر رقم بٹورنے میں ملوث پائے گئے ہیں،تاہم گرفتار ملزمان سے تفتیش کا دائرہ وسیع کرنے کیساتھ اس نیٹ ورک میں شامل دیگر سہولت کاروں کی گرفتاری کے لیے بھی کاروائیاں جاری ہیں ۔