لاہور(سپورٹس رپورٹر)پاکستان سپر لیگ فرنچائز کوئٹہ گلیڈی ایٹرز کے کپتان سعود شکیل نے کہا ہے کہ حسن نواز اور خواجہ نافع مستقبل میں پاکستان کیلئے کھیل سکتے ہیں۔ ہم نے پورے پی ایس ایل میں کافی اچھی کرکٹ کھیلی ہے، اس وقت سارا دھیان کوالیفائر پر ہے تاکہ فائنل میں جگہ پکی کرلیں۔ ہر شعبے میں بہتری کی گنجائش ہوتی ہے، لیگ سٹیج میں ٹاپ پر فنش کرنے کا مقصد یہ ہے کہ آپ اچھی کرکٹ کھیلے ہیں۔ ٹورنامنٹ کے شروع میں اچھا آغازنہیں لیا لیکن بعد میں بیٹنگ میں اچھی واپسی کی، خواجہ نافع کو موقع ملا اور انہوں نے اچھا پرفارم کیا۔ہم فن ایلن کیساتھ پورا ٹورنامنٹ کھیلے، ابھی فائنل الیون پر ڈسکس نہیں کیا کہ کون کس نمبر پر کھیلے گا۔