اسلام آباد(اپنے سٹاف رپورٹر سے) وفاقی وزیرداخلہ محسن نقوی نے کنگر پل پولیس چوکی، بنوں پر خوارجی دہشتگردوں کا حملہ ناکام بنانے پر خیبرپختونخوا پولیس کو خراج تحسین پیش کیا ہے۔ محسن نقوی نے کہا ہے کہ خیبرپختونخوا پولیس نے دلیری کے ساتھ خوارجی دہشتگردوں کا مقابلہ کیا اور حملے کو پسپا کیا۔ انہوں نے کہا کہ خوارجی دہشتگردوں کے مذموم عزائم ناکام بنانے پر خیبرپختونخوا پولیس کے بہادر سپوتوں کو سلام پیش کرتے ہیں۔ انہوں نے واضح کیا کہ خوارجی دہشتگردوں کی سرکوبی کے لئے خیبرپختونخواپولیس کا کردار قابل ستائش ہے، کے پی کے پولیس کے  بہادر سپوتوں پر فخر ہے۔