کراچی ( اسٹاف رپورٹر) میئر کراچی وسیم اختر نے لیاقت آباد نمبر10میں ہونے والے کریکر حملے کی شدید الفاظ میں مذمت کی ہے اور کہا ہے کہ یہ کراچی کا امن تباہ کرنے کی ایک اور کوشش ہے۔انہوں نے کہا کہ کریکر حملے کی اطلاع ملتے ہی عباسی شہید ہسپتال میں ایمرجنسی نافذ کر دی گئی اور متعلقہ ڈاکٹرز اور پیرامیڈیکل اسٹاف کو فوری ہسپتال پہنچنے کی ہدایت کی گئی۔میئر کراچی نے کہا کہ طویل جدوجہد کے بعد کراچی میں امن قائم ہوا ہے اسے کسی صورت خراب نہیں ہونا چاہیے۔ میئر کراچی نے زخمیوں سے اپنی نیک خواہشات کا اظہار کرتے ہوئے ان کی جلد صحت یابی کی دعا کی جبکہ جاں بحق ہونے والے شخص کے لواحقین سے دلی تعزیت کا اظہار کیا ۔