اسلام آباد(اپنے سٹاف رپورٹر سے)ایس ایس پی آپریشنز اسلام آباد محمد شعیب خان نے رورل زون میں کھلی کچہری کا انعقاد کیا،کھلی کچہری میں ایس پی رورل زون،ایس ڈی پی اوز اور ایس ایچ اوز سمیت دیگر پولیس افسران نے شرکت کی،ایس ایس پی آپریشنز اسلام آباد نے کھلی کچہری میں سائلین کی شکایات اور مسائل سنے اور فوری حل کے لئے افسران کو احکامات جاری کیے،اس موقع پرانہوں نے کہا کہ سائلین کی بروقت داد رسی نہ کرنے پر زویر ٹاولرنس ہے منشیات اور غیر قانونی اسلحہ کے کاروبار میں ملوث افراد کے خلاف بلاتفریق کریک ڈائون عمل میں لایا جائے،انہوں نے مزید کہا کہ پولیس اسٹیشنز میں کیا کچھ ہو رہا ہے کھلی کچہری میں سائلین بلاخوف بتائیں،کرپشن اور سائلین کے مسائل کے حل میں رکاوٹ بننے والے پولیس افسران کی محکمے میں کوئی گنجائش نہیں ۔