راولپنڈی (نیٹ نیوز) پاکستان تحریک انصاف کے سینئر رہنما اعظم سواتی نے کہا ہے کہ جو کہتے ہیں کوئی ڈیل ہو رہی ہے ان کی عقل چلی گئی ہے۔ بات چیت کیلئے عارف علوی کے جواب کا انتظار ہے۔ جوڈیشل کمپلیکس راولپنڈی میں میڈیا سے گفتگو کرتے ہوئے انہوں نے مزید کہا کہ یہاں عالیہ حمزہ سے اظہار یکجہتی کیلئے آیا ہوں، جنہیں گزشتہ روز گرفتار کیا گیا۔ بانی پی ٹی آئی عمران خان اگر بات کریں گے تو صرف جمہوریت او رآئین کی حکمرانی کیلئے کریں گے۔ بات چیت کیلئے عارف علوی کے جواب کا انتظار کر رہا ہوں۔ انہوں نے پچھلے ہفتے آنا تھا اب وہ اگلے ہفتے آ رہے ہیں، ابھی حتمی طور پر کچھ نہیں کہا جا سکتا لیکن یہ واضح ہے کہ بات چیت بانی پی ٹی آئی کی رہائی کیلئے نہیں ہوئی وہ تاریخ میں اپنا نام رقم کر چکے ہیں۔