لاہور(نامہ نگار)پنجاب سیف سٹیز اتھارٹی کے سرویلنس سسٹم کی مدد سے لاہور کے علاقے وحدت کالونی میں آن لائن خریداری کا جھانسہ دے کر شہریوں کو لوٹنے والے گروہ کو گرفتار کر لیا گیا ہے۔ ایک شہری نے موبائل فون فروخت کرنے کیلئے آن لائن اشتہار دیا۔ ملزمان نے رابطہ کیا اور موبائل فون خریدنے کے بہانے پتہ پر پہنچ گئے۔ملزمان نے جعلی آن لائن ٹرانزیکشن کرتے ہوئے شہری کو قریبی بنک اے ٹی ایم جا کر رقم چیک کرنے کا کہااور اسی دوران موبائل فون لے کر فرار ہو گئے ۔شہری نے اطلاع قریبی تھانے میں درج کروائی۔سیف سٹی کے ورچوئل پٹرولنگ آفیسر نے کیمروں کی مدد سے ملزمان کو شہر کی مختلف شاہراہوں پر سفر کرتے ہوئے شناخت کیااور گرفتار کرادیا۔