لاہور(سپورٹس رپورٹر+نوائے وقت رپورٹ )پاکستان فٹبال ٹیم نے فیفا ورلڈکپ 2026 کےکوالیفائنگ راو¿نڈ میں کمبوڈیا کو شکست دے کر پہلی بار ورلڈکپ کوالیفائرز کے دوسرے راو¿نڈ کیلئے کوالیفائی کرلیا۔پاکستان فٹبال ٹیم نے کمبوڈیا کےخلاف ورلڈکپ 2026 کے کوالیفائنگ میچ میں فتح حاصل کرلی۔پاکستان سپورٹس کمپلیکس اسلام آباد کے جناح سٹیڈیم میں ہونے والے میچ میں پاکستان نے کمبوڈیا کو صفر کے مقابلے میں ایک گول سے شکست دی، پاکستان کی جانب سے واحد گول 69 ویں منٹ میں ہارون حامد نے سکور کیا۔197 ویں رینک والی پاکستان فٹبال ٹیم نے کبھی بھی ورلڈکپ کوالیفائر میچ نہیں جیتا تھا۔فتح کے ساتھ کھلاڑی میدان میں سجدہ ریز ہوگئے۔وفاقی وزیر اطلاعات مرتضیٰ سولنگی، وفاقی سیکرٹری بین الصوبائی رابطہ احمد حنیف اورکزئی، صوبائی وزیر کھیل بلوچستان جمال رئیسانی، ڈائریکٹر جنرل پاکستان سپورٹس بورڈ شعیب کھوسو سمیت ہزاروں کی تعداد میں شائقین موجود تھے۔پاکستان کی شاندار کامیابی پر جناح سٹیڈیم میں ہزاروں شائقین نے جیت کا جشن بھی منایا۔ اگلے مرحلے میں پاکستان فٹبال ٹیم کا مقابلہ سعودی عرب ، تاجکستان اور اردن سے ہوگا۔ قومی فٹبالر کلیم اللہ کا کہنا تھا کہ میں سمجھتا ہوں پاکستان فٹبال فیڈریشن نے اس ایونٹ کے لحاظ سے بڑا اچھا اقدام کیا ہے، اپنے ملک میں فتح حاصل کرنا خوشی کی بات ہے۔ پاکستان کو اگلے راو¿نڈ میں کافی چیلنچز کا سامنا کرنا پڑےگا، قومی فٹبال ٹیم کا سعودی عرب ، تاجکستان اور اردن سے مقابلہ اہم ہوگا۔پاکستان کے سٹار فٹبالر کلیم اللہ نے ورلڈ کپ کوالیفائنگ راﺅنڈ میں پاکستان کی کمبوڈیا کے خلاف کامیابی کو خوش آئند قرار دیا اور کہا کہ قومی ٹیم کا پہلے کمبوڈیا میں میچ ڈرا کرنا اور اب اپنے ملک میں فتح حاصل کرنا خوشی کی بات ہے۔پاکستان کو اگلے راﺅنڈ میں کافی چیلنچز کا سامنا کرنا پڑےگا۔وفاقی وزیر اطلاعات مرتضی سولنگی نے کہا کہ آج کھیل اورفٹ بال کی فتح ہوئی ہے، فٹ بال عوام کا کھیل ہے، پاکستان میں فٹ بال کو بہت مقبولیت حاصل ہے۔