ٹرمپ انتظامیہ کی جانب سے آئیوی لیگ یونیورسٹی کے لیے مختص کردہ 2 بلین ڈالر کی وفاقی فنڈنگ منجمد کرنے کے بعد سابق صدر جو بائیڈن نے ہارورڈ کینیڈی سکول کے طلبہ سے ایک غیر رسمی لیکچر میں بات کی، وہ اپنے دیرینہ مشیر مائیک ڈونیلن کی دعوت پر ہارورڈ گئے۔غیرملکی خبررساں ادارے کے مطابق ڈونیلون اس موسم بہار میں یونیورسٹی کے انسٹی ٹیوٹ آف پولیٹکس کے نو ساتھیوں میں سے ایک رہے اور وہ بائیڈن کی 2020 کی مہم کے چیف سٹریٹجسٹ تھے۔ انہوں نے صدارت کے پہلے تین سالوں کے دوران بائیڈن کے سینئر مشیر کے طور پر کام کیا اور ان کی دوبارہ انتخابی مہم کو آسان بنانے میں مدد کی تھی۔