اسلام آباد(آ ئی این پی ) سپریم کورٹ میں سویلینز کا ملٹری ٹرائل کالعدم قرار دینے کے خلاف کیس کی سماعت  آج (جمعرات )تک ملتوی کردی گئی۔فوجی عدالتوں میں سویلینز کا ٹرائل کالعدم قرار دینے کے خلاف کیس کی سماعت سپریم کورٹ میں جسٹس امین الدین خان کی سربراہی میں 7 رکنی آئینی بینچ نے کی۔آئینی بینچ میں جسٹس جمال مندوخیل،جسٹس مسرت ہلالی، جسٹس محمد علی مظہر، جسٹس حسن اظہر رضوی،جسٹس نعیم اختر افغان اور جسٹس شاہد بلال  شامل ہیں۔ورانِ سماعت وزارتِ دفاع کے وکیل خواجہ حارث کے جواب الجواب میں دلائل دئیے۔ خواجہ حارث آج  بھی اپنا جواب الجواب جاری رکھیں گے۔عدالت نے سماعت  آج  جمعرات کی صبح ساڑھے 9 بجے تک ملتوی کردی۔