راولپنڈی(اپنے سٹاف رپورٹرسے)سٹی ٹریفک پولیس راولپنڈی کی بہترین حکمت عملی اور خصوصی ٹریفک پلان نافذالعمل ھونے کی وجہ سے گذشتہ روز راجہ بازار ،گوالمنڈی ،لیاقت روڈ اور ملحقہ علاقوں میں ٹریفک کا بہا بلا تعطل جاری رہا ، چیف ٹریفک آفیسر راولپنڈی بینش فاطمہ کے خصوصی احکامات پر سٹی ٹریفک پولیس راولپنڈی نے چند روز قبل اندرون شہر کے تجارتی علاقے کے لئے خصوصی ٹریفک پلان نافذ العمل کیا ، ایک کنٹرول روم بھی قائم کیا گیا اور ٹریفک کے بہائو میں رکاوٹ بننے والی تجاوزات و ڈبل پارکنگ کے خلاف آپریشن بھی مزید تیز کیاگیا تاکہ شہر کے بڑے تجارتی مرکز میں آنے والے عوام الناس کو ٹریفک جام کا سامنا نہ کرنا پڑے۔ اضافی نفری تعینات کرنے ، لفٹر اسکواڈز اور اینٹی انکروچمنٹ اسکوارڈ کے مسلسل آپریشن کی وجہ سے ٹریفک کی روانی برقرار رہی اور عوام الناس کو کسی پریشانی کا سامنا نہیں کرنا پڑا۔