پاک فوج کے شعبہ تعلقات عامہ آئی ایس پی آر کے مطابق ایف سی کے 4 اہلکار دہشت گردوں کی ‏بچھائی بارودی سرنگ کاشکار ہوگئے، واقعے میں ایف سی کے 4 اہلکار شہید ہوئے۔شہید ہونے والوں میں ایک جےسی او بھی شامل ہےجب کہ شہداء میں صوبیدار سردار علی خان، ‏سپاہی مصدف حسین، اویس خان اور محمد انور شامل ہیں۔آئی ایس پی آر کے مطابق ایف سی اہلکاروں کی گاڑی مرگت کوئٹہ روڈ پر آئی ای ڈی کانشانہ بنی ‏جس کے بعد ایف سی نےعلاقے کا محاصرہ کر کے آپریشن شروع کر دیا ہے۔آئی ایس پی آر کا کہنا ہے کہ بلوچستان میں قربانیوں سےحاصل امن کوخراب نہیں ہونے دیں گے ‏ایسے بزدلانہ اقدامات سےدشمنوں کی سازش کامیاب نہیں ہوسکتی، سیکیورٹی فورسزہرطرح کی ‏سازش کو ناکام بنانےکیلئے پرعزم ہیں۔