شکار پور (نوائے وقت رپورٹ) شکارپور ڈاکوؤں نے 4 سالہ بچے سمیت 7 افراد کو مبینہ طور پر اغوا کر لیا۔ پولیس ملزموں کے تعاقب میں روانہ، شکار پور میں چک کے علاقے سکھیو ملک سے ڈاکوؤں نے 7 افراد کو مبینہ طور پر اغوا کیا۔ پولیس کے مطابق مغویوں میں 4 سالہ سلیمان ملک، عزیز اللہ، نور محمد، فرحان، شفیع محمد، احسان عبدالمجید شامل ہیں۔ پولیس کے مطابق اغوا کی واردات بچل بھیو تھانے کی حدود میں پولیس آپریشن کو روکنے کے لیے کی گئی ہے۔ لواحقین نے اغوا کے خلاف اور مغویوں کی بازیابی کے لیے احتجاج کیا۔