ملتان (خبر نگار خصوصی) ملتان  ڈویژنل انتظامیہ نے خطے کی صدیوں پرانی تہذیب عالمی سطح پر اجاگر کرنے کا فیصلہ کرلیا۔کمشنر ملتان ڈویڑن جاوید اختر محمود نے جنوبی پنجاب لوک ورثہ میلہ سجانے کا حکم دیتے ہوئے کہا کہ قلعہ کہنہ قاسم باغ پر میلہ سجانے کی تیاریاں شروع کی جائیں۔انہوں نے کہا کہ جنوبی پنجاب لوک ورثہ میلہ میں اس خطے کا کلچر اجاگر کیا جائے گا۔ سرکاری و نجی اداروں سمیت سول سوسائٹی کو مختلف کلچرل سٹالز لگانے کیلئے مدعو کیا جائے گا۔عوام کو کرونا لاک ڈاؤن کے بعد مثبت تفریحی مواقع  دینے کیلئے کوشاں ہیں۔لوک ورثہ میلہ کے ذریعے اس خطے کا ٹیلنٹ اور ہنر سامنے لانا مشن ہے۔ اس سلسلے میں شہریوں اور فنکاروں میں لوک ورثہ میلہ کے حوالے سے دیدنی جوش و خروش بھی نظر آئے۔واضح رہے کہ کمشنر ملتان جاوید اختر محمود نے لوک ورثہ میلہ کے انتظامات بارے کمیٹی مختلف محکموں پر مشتمل خصوصی کمیٹی بھی تشکیل دیدی ہے۔ ڈپٹی کمشنر ملتان کمیٹی کے کنوینئر، ڈائریکٹر لوکل گورنمنٹ شریک کنوینئر ،ریجنل ڈائیریکٹر سمال انڈسٹریز سیکرٹری کمیٹی جبکہ سی پی او ملتان،ڈی جی پی ایچ اے، ایم ڈی سالڈ ویسٹ مینجمنٹ کمپنی،چیف کارپوریشن افسر، ڈپٹی ڈائریکٹر انفارمیشن، ڈائیریکٹر آرٹس کونسل،سی ٹی او، سی او ہیلتھ، سول ڈیفنس افسر، ضلعی افسر ریسکو 1122 کمیٹی کے ممبران مقرر کئے گئے ہیں۔