لاہور (کامرس رپورٹر)کمپٹیشن کمیشن آف پاکستان کی جانب سے فیڈریشن آف پاکستان چیمبرز آف کامرس اینڈ انڈسٹری اسلام آباد میں کمپٹیشن لاء سے متعلق ایک سیشن کا انعقاد کیا گیا جس میں معاشی ترقی، سرمایہ کاری اور صارفین کی بہبود کیلئے کمپٹیشن قوانین کی اہمیت پر روشنی ڈالی گئی۔ کمپٹیشن کمیشن وفد کی سربراہی ڈائریکٹر جنرل ایڈوکیسی احمد قادر نے کی۔ وفد میں سینئر ڈائریکٹر و سربراہ شعبہ کارٹیل اینڈ ٹریڈ ابیوز سلمان ظفر، نعمان احمد اورامین اکبر بھی شامل تھے۔ سیشن میں ایف پی سی سی آئی کے صدر عاطف اکرام شیخ، نائب صدر کے علاوہ چیمبر ممبران نے بھی شرکت کی۔ ڈائریکٹر جنرل احمد قادر نے سیشن کا آغاز کرتے ہوئے کہا کمپٹیشن کمیشن آزادانہ تجارت اور صارفین کے مفادات کے تحفظ کیلئے نہایت اہم کردار ادا کررہا ہے۔