کراچی (اسپورٹس رپورٹر)پاکستان سپر لیگ کے 10ویں ایڈیشن کیلئے ٹیموں کی تیاریوں کا سلسلہ جاری ہے۔2020ء ایڈیشن کی فاتح کراچی کنگز نے بھی ہوم گراؤنڈ پر تیاریوں کا آغاز کردیا ہے۔کراچی کے نیشنل سٹیڈیم کے اوول گراؤنڈ میں کراچی کنگز کے پہلے پریکٹس سیشن میں ٹیم کے مقامی کھلاڑیوں نے کوچز روی بوپارا اور شان ٹیٹ کی نگرانی میں پریکٹس کا آغاز کیا۔سابق کپتان شان مسعود کیساتھ میر حمزہ، عامر جمال، عمیر بن یوسف، عرفات منہاس، حسن علی اور عباس آفریدی پریکٹس سیشن میں موجود تھے، کھلاڑیوں نے نیٹس پر بیٹنگ اور بائولنگ کی پریکٹس کی۔کراچی کنگز کے غیر ملکی کھلاڑیوں کی آمد کا سلسلہ شروع ہو گیا۔  عرفان نیازی آج ٹیم جوائن کریں گے۔کپتان ڈیوڈ وارنر کل ٹیم جوائن کرلیں گے، کراچی کنگز پی ایس ایل 10 میں اپنا پہلا میچ 12 اپریل کو نیشنل سٹیڈیم میں ملتان سلطانز کیخلاف کھیلے گی۔