لاہور(سپورٹس رپورٹر)پاکستان کرکٹ بورڈ کے میڈیکل پینل کی جانب سے پاکستان کے جارح مزاج نوجوان اوپنر صائم ایوب کو مکمل فٹ قرار دیدیا گیا۔میڈیکل پینل کی جانب سے گرین سگنل ملنے کے بعد صائم ایوب اور وکٹ کیپر بیٹر محمد حارث پشاور زلمی کو جوائن کرلیں گے، زلمی کے بیشتر کھلاڑیوں کی جانب سے ٹیم مینجمنٹ کو رپورٹ کیا جا چکا ہے۔اسلام آباد کلب میں پشاور زلمی کے کھلاڑی پہلا پریکٹس سیشن کریں گے جبکہ بابر اعظم نیوزی لینڈ سے واپسی پر ٹیم کو جوائن کریں گے۔صائم ٹخنے کی انجری کے باعث قومی ٹیم سے باہر تھے تاہم لندن میں اپنا ری ہیب مکمل کرنے کے بعد انہوں نے عید کراچی میں اپنی فیملی کے ساتھ منائی۔