لاہور (کامرس رپورٹر) صوبائی دارالحکومت کے بیشتر علاقوں میں پرچون سطح پر دکانداروں نے پانچوں روزے کو بھی سبزیوں اور پھلوں کی گراں فروشی کر کے صارفین کو دونوں ہاتھوں سے لوٹا۔ صارفین کے مطابق سرکاری ریٹ لسٹ میں ایک کلو آلو کچا چھلکا نیا درجہ اول کی قیمت 55 روپے تھی لیکن دکانداروں نے75 سے80 روپے تک فروخت کئے۔ اسی طرح آلو کچا چھلکا نیا درجہ دوم 45 کی بجائے60، آلو کچا چھلکا نیا درجہ سوم 38 کی بجائے50 روپے، پیاز درجہ اول75 کی بجائے90، پیاز درجہ دوم 65 کی بجائے75، پیاز درجہ سوم 55 کی بجائے 60، ٹماٹر درجہ اول50 کی بجائے 70، ٹماٹر درجہ دوم 40 کی بجائے55 سے60، ٹماٹر درجہ سوم 30 کی بجائے50، لہسن دیسی نیا 360 کی بجائے450، لہسن چائنہ615 کی بجائے770 سے، لہسن جی ون 370 کی بجائے500، ادرک تھائی لینڈ 375 کی بجائے 500، ادرک چائنہ 375 کی بجائے480 سے500، کھیرا فارمی50 کی بجائے60، میتھی40 کی بجائے55 سے60، بینگن 70 کی بجائے90، بند گوبھی40کی بجائے55 سے 60، پھول گوبھی30 کی بجائے45 سے50، شملہ مرچ 80 کی بجائے 120 سے 130، بھنڈی170کی بجائے190سے200، شلجم 30 کی بجائے40، اروی160 کی بجائے180، مٹر 50، کریلا 175 کی بجائے200، سبز مرچ110 کی بجائے130 سے150، مونگرے 70 کی بجائے80، مولی25 کی بجائے30، لیموں چائنہ 110 کی بجائے250، ٹینڈیاں فارمی45کی بجائے 55 سے60، گھیا کدو 75 کی بجائے85 سے90، پالک فارمی 35 کی بجائے 50 سے 55، گاجر چائنہ 60 کی بجائے80جبکہ گاجر دیسی 25 کی بجائے30 سے40 روپے کلو فروخت ہوئی۔ پھلوں میں ایک کلو سیب ایرانی درجہ اول 300 کی بجائے400 سے450، سیب ایرانی درجہ دوم230 کی بجائے300، سیب کالا کولو پہاڑی درجہ ا ول 325 کی بجائے450 سے500، سیب کالا کولو میدانی درجہ اول190 کی بجائے250 سے280، سیب کالا کولو میدانی درجہ دوم 110 کی بجائے170 سے180، سیب سفید درجہ اول170 کی بجائے220 سے230، سیب سفید درجہ دوم115کی بجائے150، کیلا درجہ اول درجن 270 کی بجائے330 سے350، کیلا درجہ دوم درجن190 کی بجائے230 سے250، امرود درجہ اول220 کی بجائے 240 سے250، امرود درجہ دوم 160 کی بجائے180، انار بدانہ 760 کی بجائے850 سے900، انار دانے دار 440 کی بجائے 530 سے550، انار قندھاری درجہ اول 465 کی بجائے570 سے580، انار قندھاری درجہ دوم 325 کی بجائے400، مسمی درجہ اول درجن 195 کی بجائے250، مسمی درجہ دوم درجن 145 کی بجائے180، کنو سپیشل درجن 425 کی بجائے500 سے600، کنو درجہ اول درجن 310 کی بجائے400، کنو درجہ دوم درجن 180 کی بجائے230 سے250، خربوزہ درجہ اول 140 کی بجائے 170 سے180، خربوزہ درجہ دوم 80 کی بجائے100 سے120، پپیتا 240 کی بجائے320 سے350، سٹرابری درجہ اول365 کی بجائے600، سٹرابری درجہ دوم 200 کی بجائے450، انگور ٹافی310 کی بجائے400 سے420، انگور سفید موٹا 300 کی بجائے 340 سے350، کھجور عراقی425 کی بجائے500، کھجور ایرانی485 کی بجائے580 سے600 جبکہ کھجور اصیل 455 کی بجائے 500 روپے کلو تک فروخت ہوئی۔