لاہور(نامہ نگار) لاہور کے علاقے غازی آباد سے خاتون نے ریسکیو 15 ایمرجنسی ہیلپ لائن پر کال کی۔خاتون نے بتایا کہ اس کا سابق شوہر اسے مسلسل ہراساں کر رہا ہے۔ ملزم نے مجھے اور بچوں کو پٹرول چھڑک کر آگ لگانے کی کوشش کی۔ خاتون نے بروقت ہمسائیوں کے گھر پناہ لے کر اپنی اور بچوں کی جان بچائی۔ ورچوئل ویمن پولیس سٹیشن نے فوری پولیس کو موقع پر روانہ کیا۔ خاتون اور بچوں کو تحفظ فراہم کیااورملزم کے خلاف مقدمہ درج کر کے اسے گرفتار کر لیا۔جس سے مزید قانونی کارروائی جاری ہے۔ترجمان سیف سٹی کا کہنا ہے کہ ظلم و زیادتی کی شکار خواتین 15 پرکال کرکے 2 دبا کر ورچوئل ویمن پولیس سٹیشن سے رابطہ کرسکتی ہیں۔