لاہور(سپورٹس رپورٹر)پاکستان مینز ٹیم کے نائب کپتان سلمان علی آغا نے کہا ہے کہ ٹارگٹ یہی ہے کہ ہم نے سہ فریقی سیریز اور چیمپئنز ٹرافی میں جیتنا ہے۔ بیرون ملک کنڈیشنز میں ایڈجسٹ کرنا پڑتا ہے، پاکستان کی کنڈیشنز کے عادی ہیں، مزید اچھا کرنے کی کوشش کریں گے۔صائم ایوب کی فارم بہت اچھی جا رہی تھی۔ صائم ایوب کو مس کریں گے۔ خوشدل کے ساتھ مل کر دونوں اچھا کرنے کی کوشش کریں گے۔ کمبی نیشن اچھا بنا ہوا ہے زیادہ تبدیلی نہیں ہوگی۔آئی سی سی ایونٹ پاکستان میں ہو رہا ہے بہت پْرجوش ہیں، 1996 میں تو میں بہت چھوٹا تھا، تب کا تو مجھے یاد نہیں۔ اب آئی سی سی ایونٹ سے سب خوش ہیں۔ میں نے ہر سطح پر ڈبل رول کیا ہے، اس کیلئے پْرجوش ہوں، کوئی دباؤ نہیں ہے۔ کمبی نیشن بنا ہوا ہے اس میں زیادہ تبدیلی کی ضرورت نہیں پڑے گی۔ سب کھلاڑی پاکستان میں چیمپئنز ٹرافی کا ایونٹ کھیلنے کیلئے پرجوش ہیں۔