کراچی ( کامرس رپورٹر) پاکستان رینجرز (سندھ)اور  پولیس نے انٹیلی جنس معلومات کی بنیاد پر مشترکہ کارروائی کرتے ہوئے کراچی کے علاقہ پاک کالونی سے بھتہ وصولی اور منشیات فروشی میں ملوث لیاری گینگ وار(عبد الصمد گروپ)سے تعلق رکھنے والے  ملزم محمد عامر کو گرفتار کر لیا۔ ملزم کے قبضے سے منشیات اور اسلحہ و ایمونیشن بھی برآمد کر لیا گیا۔ تفصیلات کے مطابق ملزم 2024 میں  عبد الصمد گروپ میں شامل ہوکر بھتہ وصولی،  منشیات فروشی اور چھالیہ اسمگلنگ میں ملوث رہا ہے۔ بیرون ملک  میں موجود  عبد الصمد منشیات اور  چھالیہ کی اسمگلنگ کے لئے ملزم کو مبلغ 2 1 لاکھ روپے بذریعہ ایزی پیسہ بھیج چکا ہے۔ابتدائی تفتیش کے دوران ملزم نے انکشاف کیا کہ وہ  منشیات اور چھالیہ کی غیر قانونی فروخت سے حاصل  شدہ رقم  عبد الصمد کو بیرون ملک بھیجوانے اور کراچی میں ٹارگٹ کلرز کو دینے میں ملوث رہا ہے۔ ملزم قدرت اللہ افغانی سے چھالیہ اور منشیات خرید کر اندرون سندھ ڈرائیور غوری اور جام خان کے ذریعے فروخت کرنے میں  ملوث رہا ہے ۔