ملک کے مختلف حصوں میں شدید گرمی سے پریشان عوام کے لیے محکمہ موسمیات نے اچھی خبر سنا دی ہے لاہور سمیت پنجاب کے بیشتر علاقوں میں دو روز بعد بارش کا نیا سسٹم داخل ہونے کا امکان ہے جس سے موسم خوشگوار ہو جائے گا اس وقت صوبے بھر میں موسم خشک ہے اور اگلے ایک سے دو روز تک بارش کے آثار نہیں پائے جا رہے محکمہ موسمیات کا کہنا ہے کہ لاہور اور دیگر شہروں میں گرد آلود ہوائیں چل سکتی ہیں جن سے موسم میں خنکی کا احساس پیدا ہوگا اور درجہ حرارت میں کمی آئے گی لاہور میں کم سے کم درجہ حرارت 24 اور زیادہ سے زیادہ 34 ڈگری سینٹی گریڈ تک رہنے کا امکان ہے خیبر پختونخوا کے بیشتر اضلاع میں موسم جزوی طور پر ابر آلود رہنے کی توقع ہے جب کہ چترال دیر سوات بونیر مالاکنڈ مانسہرہ اور بٹگرام جیسے علاقوں میں گرج چمک کے ساتھ بارش کا امکان ظاہر کیا جا رہا ہے پشاور میں درجہ حرارت 36 ڈگری سینٹی گریڈ ریکارڈ کیا گیا ہے جبکہ ڈیرہ اسماعیل خان 32 بنوں 35 چترال 31 دیر بالا 29 کالام 24 اور مالم جبہ میں 20 ڈگری سینٹی گریڈ درجہ حرارت ریکارڈ کیا گیا ہے بلوچستان میں زیادہ تر علاقوں میں موسم گرم اور خشک رہنے کی پیش گوئی کی گئی ہے تاہم خضدار لسبیلہ اور گردونواح میں تیز ہواؤں اور گرج چمک کے ساتھ بارش کی پیشگوئی کی گئی ہے کوئٹہ میں زیادہ سے زیادہ درجہ حرارت 33 قلات میں 27 زیارت 21 ڑوب 36 سبی 41 تربت 43 نوکنڈی 42 چمن 36 گوادر 38 اور جیوانی میں 39 ڈگری سینٹی گریڈ ریکارڈ کیا گیا ہے