کیف(این این آئی )روس نے یوکرائن کے صدر ولودومیر زیلنسکی کے آبائی علاقے پر میزائل حملہ کیا جس میں 19 افراد ہلاک ہوگئے۔میڈیارپورٹس کے مطابق یوکرائنی حکام نے بتایاکہ یوکرائن کے صدر ولودومیر زیلنسکی کے آبائی شہر  پر روسی میزائل حملے میں کم از کم 19 افراد ہلاک ہو گئے، جن میں 9 بچے بھی شامل ہیں۔ رپورٹ میں بتایا گیا کہ روسی حملے میں 50 سے زائد افراد زخمی بھی ہوئے۔یوکرینی صدر زیلنسکی نے متاثرہ خاندانوں سے تعزیت کا اظہار کرتے ہوئے کہا ہے کہ بچوں کے کھیل کے میدان اور چھوٹی گلیاں روسی حملے میں نشانہ بنائی گئیں ،  ایسے حملے اتفاقی نہیں ہوسکتے، روس جانتا ہے یہ توانائی کی تنصیبات ہیں۔صدر زیلنسکی کا کہنا تھا کہ اس قسم کی تنصیبات کسی بھی حملے سے محفوظ رہنی چاہییں۔دوسری جانب روس کی وزارتِ دفاع نے ٹیلی گرام پر جاری ایک بیان میں دعوی کیا ہے کہ یہ حملہ یوکرائنی اور مغربی افسروں کے درمیان ہونے والی ایک میٹنگ کو نشانہ بنانے کے لیے کیا گیا تھا۔ بیان میں کہا گیا کہ یہ ایک انتہائی درست نشانہ تھا، شہر کے ایک ریسٹورنٹ میں یونٹ کمانڈرز اور مغربی انسٹرکٹرز کی میٹنگ کے مقام پر میزائل  حملہ کیا گیا۔