لاہور(سپورٹس رپورٹر)آئی پی ایل کی ٹیم نے گلین میکسویل کے بعد پشاور زلمی کے غیرملکی پلیئر کو شامل کر لیا۔پنجاب کنگز نے مچل اوون کو زخمی گلین میکسویل کے متبادل کے طور پر نامزد کیا ہے جو انگلی میں فریکچر کے باعث آئی پی ایل 2025 سے باہر ہو گئے ہیں۔اوون جو اس وقت جاری پاکستان سپر لیگ میں پشاور زلمی کی نمائندگی کر رہے ہیں 3 کروڑ روپے کی مبینہ رقم میں پی بی کے ایس میں شامل ہونے والے ہیں۔اوون بیٹنگ کے علاوہ میڈیم پیس بائولنگ بھی کرتے ہیں اور ٹی ٹونٹی میں 10 وکٹیں حاصل کر چکے ہیں۔ان کے دستخط کو پنجاب کنگز کے ہیڈ کوچ رکی پونٹنگ نے سپورٹ کیا ہے جنہوں نے ہریکینز کیساتھ اپنے وقت کے دوران اوون کی ترقی کو قریب سے دیکھا ہے۔اوون پشاور زلمی کے پی ایس ایل کے پلے آف مرحلہ سے باہر ہونے یا پی ایس ایل کے اختتام پر آئی پی ایل جوائن کرینگے ۔