لاہور(سپورٹس رپورٹر)بھارت میں مہا کمبھ میلے سے مشہور ہونے والے ابھے سنگھ جنہیں آئی آئی ٹی بابا کہا جاتا ہے انہیں تشدد کا نشانہ بنایا گیا ہے۔چیمپئنز ٹرافی 2025ء کے پانچویں میچ بھارتی آئی آئی ٹی بابا نے دعویٰ کیا تھا کہ بھارتی ٹیم پاکستان کیخلاف میچ نہیں جیت سکتی۔ رپورٹ کے مطابق بھارتی آئی آئی ٹی بابا کو نشر ہونیوالے نجی چینل کے نیوز ڈیبیٹ پروگرام میں تشدد کا نشانہ بنایا گیا، جس کی شکایت انہوں نے بھارتی پولیس کو درج کروائی۔پولیس کے مطابق درج شکایت میں ان کا کہنا ہے کہ چند لوگوں نے نیوز روم میں داخل ہو کر مجھ پر حملہ کیا، مجھ سے بدتمیزی کی اور لاٹھیوں سے مارا پیٹا۔ آئی آئی ٹی بابا کا مطالبہ ہے کہ پولیس ان کی مزید شکایت درج کرے تاہم ایسا نہ کرنے پر آئی آئی ٹی بابا نے احتجاج ریکارڈ کروایا۔ آئی آئی ٹی بابا اپنا احتجاج ریکارڈ کروانے کے لیے سیکٹر 126 کے علاقے میں پولیس چوکی کے باہر بیٹھ گئے۔بعد ازاں جب پولیس نے انہیں راضی کیا تو انہوں نے اپنا احتجاج ختم کر دیا۔