جہلم(آئی این پی)پنجاب کے ضلع جہلم میں انکوائری کے لیے جانے والے 2 گروپ آمنے سامنے آگئے، ایک گروپ کی جانب کی گئی فائرنگ سے دو افراد جاں بحق اور ایک کو شدیدز خمی حالت میں اسپتال منتقل کردیا گیا۔ذرائع کے مطابق ڈھنگوال اڈے پر فائرنگ کا افسوسناک واقعہ پیش آیا جس کے نتیجے میں 2 افراد موقع پر جاں بحق ہوگئے۔ذرائع کا کہنا ہے کہ دونوں پارٹیز بسلسلہ انکوائری تھانے جا رہے تھے کے راستے میں دونوں کا آمنا سامنا ہوگیا اور تلخ کلامی کے بعد فائرنگ شروع ہوگئی جبکہ قتل اور زخمی ہونے والوں میں دو سگے بھائی شامل ہیں۔پولیس نے بتایا کہ زخمی شخص کو ڈی ایچ کیو جہلم ہسپتال  منتقل کر دیا گیا ہے۔پولیس کے مطابق مقتول کا تعلق سگھرپور اور شاکر پور سے ہے۔