لاہور(نامہ نگار)سیف سٹی اتھارٹی نے بہن پر گرم پانی پھینک کر جلانے والے بھائی کو گرفتارکرادیا ہے۔ شیخوپورہ سے معمولی جھگڑے پر بہن کو جھلسانے کی کال ایمرجنسی 15 ہیلپ لائن موصول ہوئی۔کالر نے بتا یا کہ پربھائی نے سگی بہن پر گرم پانی پھینک کر جلاڈالا ہے۔ورچوئل ویمن پولیس سٹیشن نے پولیس کو موقع پر روانہ کیا۔ متاثرہ خاتون شوہر کے ہمراہ میکے آئی ہوئی تھی، بھائی نے معمولی بات پر جھگڑا شروع کر دیا۔ بھائی نے طیش میں آ کر چولہے پر رکھا ہوا گرم پانی بہن پر پھینک دیا ،خاتون کا جسم بری طرح جھلس گیا۔پولیس نے خاتون کو ہسپتال منتقل کیا۔پولیس نے مقدمہ درج کرتے ہوئے ملزم کو حراست میں لے لیا۔