لاہور( این این آئی)غیر قانونی طور پر مقیم غیر ملکیوں اور افغان سٹیزن کارڈ ہولڈرز کے پاس پاکستان چھوڑنے کیلئے دی گئی مہلت آج ( پیر) کے روز ختم ہو جائے گی ۔مقررہ تاریخ تک واپس نہ جانے والوں کے خلاف کارروائی کے طورپریکم اپریل 2025 ء سے ملک بدری کا عمل شروع کر دیا جائے گا۔سرکاری ریڈیو کے مطابق حکومت نے یقین دلایا ہے کہ واپسی کے عمل میں کسی سے ناروا سلوک نہیں کیا جائے گا اور واپس جانے والوں کیلئے خوراک اور صحت کی سہولیات کی فراہمی کیلئے انتظامات کئے گئے ہیں۔