لاہور(نیوز رپورٹر) صوبائی وزیر صحت خواجہ سلمان رفیق نے جنرل ہسپتال لاہور کا دورہ کیا۔سپیشل سیکرٹری آپریشنز محکمہ سپیشلائزڈ ہیلتھ کیئر اینڈ میڈیکل ایجوکیشن طارق محمود رحمانی بھی ہمراہ تھے۔ خواجہ سلمان رفیق نے او پی ڈی میں مریضوں سے ملاقات کی اور طبی سہولیات کا جائزہ لیا۔ صوبائی وزیرصحت نے ایمرجنسی، وزیر اعلیٰ کمپلینٹ کاؤنٹر، نیورولوجی، پرچی کاؤنٹرز، میڈیسن سٹور، پلمونولوجی، کارڈیک و دیگر شعبہ جات کا دورہ کیا۔ صوبائی وزیر نے ایم ایس جنرل ہسپتال کو صفائی ستھرائی کو یقینی بنانے کی ہدایت کی۔ مریضوں کیلئے آسانیاں پیدا کریں۔ ہسپتالوں کے روزانہ کی بنیاد پر دورے کئے جا رہے ہیں۔ ہسپتالوں میں ادویات کی فہرستیں اور ڈیوٹی روسٹرز آویزاں کئے جائیں۔ سرکاری ہسپتالوں کے حالات بہتر کرنے کی پوری کوشش کی جا رہی ہے۔ مریضوں کے علاج و معالجہ میں کوئی سمجھوتہ نہیں کیا جائے گا۔ ہسپتالوں کے وزٹس کا سلسلہ جاری رہے گا۔ ہسپتالوں کا دورہ کرکے مریضوں سے طبی سہولیات بارے براہِ راست فیڈ بیک لیا جا رہا ہے۔