ملک بھر میں سونے کی قیمتوں میں آج پھر سیکڑوں روپے کی کمی ہوگئی۔سرکاری خبر رساں ادارے ’اے پی پی‘ کی رپورٹ کے مطابق آل پاکستان صرافہ جیمز اینڈ جیولرز ایسوسی ایشن نے رپورٹ کیا کہ 24 قیراط کے حامل فی تولہ خالص سونے کا بھاؤ 1600 روپے تنزلی سے 3 لاکھ 47 ہزار ایک سو روپے کا ہو گیا۔اسی طرح 24 قیراط 10 گرام سونے کی قیمت ایک ہزار 368 روپے کم ہو کر 2 لاکھ 97 ہزار 582 روپے ریکارڈ کی گئی جبکہ 22 قیراط 10 گرام سونا 2 لاکھ 72 ہزار 784 روپے میں فروخت ہوا۔
ادھر چاندی کی فی تولہ اور 10 گرام قیمت بالترتیب 3 ہزار 497 روپے اور 2 لاکھ 72 ہزار 784 روپے پر برقرار رہی۔ایسوسی ایشن کے مطابق عالمی منڈی میں سونے کی قیمتیں 16 ڈالر گر کر 3 ہزار 305 ڈالر ریکارڈ کی گئی۔
واضح رہے کہ 25 اپریل کو 24 قیراط کے حامل فی تولہ سونے کی قیمت 3 ہزار 300 روپے تنزلی سے 3 لاکھ 48 ہزار 700 روپے ہوگئی تھی۔اسی طرح 24 قیراط کے 10 گرام سونے کی قیمت میں 2 ہزار 833 روپے گر کر 2 لاکھ 98 ہزار 950 روپے کا ہو گیا تھا، جبکہ 22 قیراط 10 گرام سونا 2 ہزار 597 روپے کم ہو کر 2 لاکھ 74 ہزار 47 روپے میں فروخت ہوا تھا۔
