متحدہ عرب امارات کے سفارتخانے نے ویزا پالیسی سے متعلق نئی ہدایات جاری کر دی ہیں، جن کے تحت ویزا فیس فی کس 69 امریکی ڈالر مقرر کی گئی ہے جب کہ تمام ویزوں کے لیے درخواست آن لائن جمع کرانا لازمی ہوگا سفارتخانے کے ترجمان کے مطابق، ویزا درخواست جمع کرانے کے بعد نوٹیفکیشن جاری کیا جائے گا اور درخواست دہندگان کو تمام ضروری دستاویزات اپنے ساتھ رکھنا ہوں گی ویزا کے لیے درخواست گزار کے بینک اسٹیٹمنٹ میں کم از کم 5 ہزار امریکی ڈالر یا اس کے مساوی رقم ہونا ضروری ہے اس کے علاوہ درخواست جمع کراتے وقت ہوٹل یا رہائش کا ثبوت فراہم کرنا ہوگا جب کہ کنفرم ریٹرن ٹکٹ بھی لازمی قرار دیا گیا ہے ویزے کے لیے پاسپورٹ کی میعاد کم از کم 6 ماہ ہونی چاہیے اور ویزا فیس مخصوص الفلاح بینک اکاؤنٹ میں جمع کرانا ہوگی بچوں کے ویزا سے متعلق بھی نئی ہدایات دی گئی ہیں، جن کے مطابق 5 سال سے کم عمر بچوں کو ویزا سینٹر جانے کی ضرورت نہیں، جبکہ 6 سے 15 سال کی عمر کے بچوں کی تصویر ویزا سینٹر میں لی جائے گی  15 سال یا اس سے زائد عمر کے بچوں کے لیے ویزا سینٹر جانا لازمی ہوگا ترجمان کے مطابق بائیومیٹرک تصدیق اور ویزا پراسیسنگ کا عمل ویزا سینٹر میں مکمل کیا جائے گا، اور تمام درخواست دہندگان کو ہدایات پر عمل کرنے کی تاکید کی گئی ہے