لاہور(نامہ نگار) انسپکٹر جنرل پولیس پنجاب ڈاکٹر عثمان کی زیر صدارت سی سی ڈی امور بارے اہم ویڈیو لنک اجلاس سنٹرل پولیس آفس میں منعقد ہوا۔ آئی جی پنجاب ڈاکٹر عثمان انور نے اجلاس میں منظم جرائم کے خاتمے کیلئے سی سی ڈی کے مجوزہ اہداف کا جائزہ لیا۔ کرائم کنٹرول ڈیپارٹمنٹ کے ہیومن ریسورس، لاجسٹکس، ٹی او آرز اور انتظامی امور بھی زیر غور آئے۔ ایڈیشنل آئی جی سی سی ڈی سہیل ظفر چٹھہ نے ادارے کے اغراض و مقاصد اور ہداف بارے بریفنگ دی۔ آئی جی پنجاب نے کہا کہ وزیر اعلی کے ویژن کے مطابق سنگین جرائم میں ملوث کریمنلز کا سدباب کریں۔ سی سی ڈی کو مطلوبہ ہیومن ریسورس، دفاتر، ٹرانسپورٹ اور لاجسٹکس فراہم کر رہے ہیں۔ کرائم کنٹرول ڈیپارٹمنٹ کیلئے نئی ٹرانسپورٹ، فرنیچر اور لاجسٹکس کی خریداری کا عمل بھی شروع کیا جاچکا ہے۔ سی سی ڈی کو کریمینلز ڈیٹا بیس، سرویلنس اینڈ مانیٹرنگ سسٹم، جدید لوکیٹرز اور آئی ٹی ٹیکنالوجی کی مدد حاصل ہے۔